CEBU, Philippines - Mag-abot ang mga tang-ang duathletes sa nasud sa dihang mosikad na ang Cebu Duathlon National Championship karong adlawa diha sa tugkaran sa Lantaw Restaurant sa South Road Properties (SRP).
Lakip sa mga elite participants nga mosalmot mao sila si Asian Beach Games bronze medalist Robeno Javier, World Games veteran Carlo Pedregosa, Jarwyn Banatao, Robinson Esteves ug Jeric Buhian.
Atngan usab ang pagsalmot sa national triathletes sama nilang John Rambo Chicano, Deo Timbon, Benjamin Rana ug Cebuano Philip Duenas.
Gawas sa elite class, ang lumba aduna sa’y mga age-group categories.
Dul-an sa 200 ka mga atleta ang mopakita sa ilang abilidad sa standard distance, sprint ug youth mini sprint. Aduna sa’y inter-club event.
Ang mananaog basihan sa aggregate time sa top three male ug top female finishers sa standard.
Moabot ngadto sa P60,000 nga ganting salapi ang giandam alang sa mananaog sa matag dibisyon. (BANAT NEWS)