CEI gisubha'g daog sa IMBBL hoopla

CEBU, Philippines – Gisubhan dayon og daog ang Camay-Espinoza International (CEI) Brokerage human sila maka-ipsot batok sa CHG sa iskor, 61-54 sa labing una nilang pagsalmot sa 6th Inter-Merchant Barkadahan Basketball League (IMBBL) kaniadtong Domingo sa gabii didto sa One Oasis Condo (Fil-Invest) covered court.

Laing midaog mao ang BDO-CLG batok sa Los Amigos Basketball Association (LABA), 94-81 ug ang Bike Moto batok sa Global Port Brokers, 54-48. Ang CEI, BDO-CLG Bike Moto pulos sakop sa North Division diin adunay 16 ka teams ang misalmot samtang walo ka teams ang nalista ubos sa South Division.

Ang managsoong Wiljun "Sugar" ug Dennes Camay nga maoy team owners sa CEI, parehong mi-iskor og siyete puntos alang sa maong kadaogan apan ang beteranong taga isla sa Limasawa nga si Takloy Moral maoy nangu sa CEI sa iyang 14 puntos ug parehong may 11 puntos matag usa silang Tata Laborte ug Glenn Fernandez.

Sa laing bahin, igo lang miamot og kuatro puntos alang sa BDO ang organizer sa IMBBL ang kanhi CESAFI referee nga si Peter Lalican ug silang Ariel Teves ug Rex Romero maoy nangu sa BDO sa ilang 18 ug 13 matag usa.

Puntos matag usa:

First Game:

CEI (61) – Moral 14, Laborte 11, Fernandez 11, W. Camay 7, D. Camay 7, Bantulay 5, Agpalo 4, Villaronza 2, Palero 2.

CHG (54) – Gascon 19, Antigua 8, Quijano 8, Cortes 7, Tamban 4, Baran 4, Del Castillo 2, Ferrolino 2.

Second Game:

Bike Moto (54) – Prince 12, Abellanosa 8, Rivera 6, Rellosa 6, Suico 6, Flores 6, W. Roa 5, Roa 5.

Global (48) – Dinglasa 16, Bailon 14, Diaz 10, Silen 6, Agpalo 2, Redongo 2. (BANAT NEWS)