Team Suzuki-BMR racing misakmit walo ka titulo sa Shell Talent Cup
CEBU, Philippines - Ang Team Suzuki-BMR Racing midaog og walo sa 10 ka titulo sa Shell Talent Cup didto sa Kartzone Raceway sa Mabolo, ning siyudad.
Si Mario Borbon maoy nangu sa maong kalampusan dihang gidominar ang expert automatic sa 130 underbone ug sa ‘Road to ARRC’ divisions.
Iya sab nga gilangkat ang expert 130 underbone title batok ni Gary Caneda ug Insik Flores. Gipilde sab niya si Mark Capoy ug Caneda alang sa automatic open title.
Ang Suzuki-Zic-BMR miharos sa intermediate 160 automatic nga gipangulohan ni Neil Perino, gisundan ni Simon Solon ug John Louie Chan.
Si Solon nakahimo’g double victory sa Raider J Fi ug novice 160 automatic.
Nagmadaugon sab si Suzuki-Zic-BMR team manager Bobby Mencias ubos sa executive division. (BANAT NEWS)
- Latest
