CEBU, Philippines - Gipilde sa Richport Trading ang Doggie Warriors sa double overtime, 110-101 aron masakmit ang inaugural championship sa Camay-Espinoza International (CEI) Barkadahan Cup basketball tournament niadtongMartes sa gabii diha sa Brgy. Tinago gym, ning dakbayan.
Dumadaog na unta ang Doggie kay naglabaw sila, 89-88 sa
katapusang 7.8 segundos sa unang overtime. Apan si Gani Mabangue sa
Doggie gitawgan og foul batok ni Jojo Solitario dayong kapupos sa oras.
Human misipyat sa iyang unang free throw, si Solitario kalmado kaayong
mipasud sa iyang ikaduhang itsa hinungdan sa seconed overtime.
Natapos ang regulation sa iskor, 75-all human sab sa split charities
ni Carlo Bantulay sa katapusang 3.6 segundos aron makapugos og overtime.
Si Solitario, kinsa maoy napiling MVP, mibahog og 32 puntos alang sa
Richport nga misakmit sa titulo nga walay pilde sa 10 ka duwa.
Si Tata Laborte midugang og 17 puntos alang sa Richport, si Glenn
Resohinto ug playing coach Bokoy Malalay miiskor og 16 ug 14 puntos matag
usa, samtang si Chris Fernandez miabuno’g 13 puntos.
Nangu sa Doggie Warriors mao si Christian Deganio pinaagi sa
iyang 27 puntos, gisundan ni Carlo Bantulay nga adunay 19 puntos. Sila si Jeff
Villarin ug Ronron Bantulay nagkumboya’g 27 puntos sa maong kapildihan.
Sa sayo pa, naangkon sa Martinez Compound ang ikatulong
puwesto pinaagi sa ‘forfeiture’ batok sa Cabantan.
puntos matag usa
Richport (110) – Solitario 32, Laborte 17, Resohinto 16, Malalay 16,
Fernandez 13, Selana 9, Alviva 6, Garcia 3.
Doggie Warriors (101) – Deganio 27, C. Nantulay 17, Villarin 16, R.
Bantulay 11, Mabangue 7, Valenzuela 7, Intes 5, Javier 4, Casio 4. (BANAT NEWS)