Cebu mo-host sa Ironman AsPac C'ships
CEBU, Philippines - Ang Pilipinas, partikular na ang Sugbo, maoy gihatagan og katungod aron mo-host sa Ironman 70.3 Asia-Pacific Championships nga ipahigayon sa labing una sa Asya sunod tuig. Mismo si Ironman Asia-Pacific CEO Geoff Meyer ang mibuak sa balita nga miingon nga ang maong lakang kabahin sa ilang pagtamod sa grabe nga pag-ugmad ug paglambo sa triathlon sa rehiyon labi na dinhi sa Sugbo.
Gipadayag ni Meyer nga nahimuot sab sila og maayo sa manindot nga pag-host sa Sugbo sa Ironman 70.3 Philippines sud sa upat na ka sunod-sunod nga tuig ug angayan lamang nga mao na kini ang mo-host sa makasay-sayanong AsPac event .
Gihangop sa tumang kalipay ang maong kalamboan ni Wilfred Steven Uytengsu, ang Presidente ug CEO sa Sunrise Events, Inc. nga maoy nagduma sa tanang mga dagku nga Ironman events dinhi sa nasud.
“We are extremely proud to have been selected as the host for the 2016 Ironman 70.3 Asia-Pacific Championship,” matud ni Uytengsu, kinsa mao sab ang Presidente sa Alaska Milk Corporation. “We intend to stage our best event yet which will coincide with our five-year anniversary in Cebu and our eighth year in partnership with Ironman. We look forward to welcoming everyone with our trademark Filipino hospitality.”
Gibana-bana ni Uytengsu nga ang Sugbo mokita og 7-8 milyones dolyares pag-host lamang sa maong prestihiyosong event nga gikatakda sa Agosto 7, 2016 diha gihapon sa Shangri-La's Mactan Resort and Spa. (BANAT NEWS)
- Latest
