Gabela Shop solo lider na’s Vendredi caging
CEBU, Philippines – Misaka na sa unang dapit sa standing ang Gabela Shop human sa ilang kadaugan batok sa Geobert Merchandise, 86-67 sa nagpadayong 3rd Vendredi Ballclub basketball tournament niadtong Lunes sa gabii didto sa Garden Bloom open court sa Pitogo, Consolacion.
Sila si Joel Pitogo ug Johnken Palabrica parehong mikulit og 14 puntos aron maoy mangulo sa Gabela Shop nga kasamtangang nagsolo sa liderato bitbit ang 2-0 nga baraha. Tulo nila ka teammates ang mihimo sab og double figures
Ang Geobert Merchandise nga wala pa’y daog sa duha ka duwa, gipangulohan ni Rian Capao, kinsa mipabuhagay og 25 puntos, samtang si Beryong Pepino miariya’g 21 puntos.
Sa laing duwa, gilat-an sab sa Carkiena Restaurant ang Kyu’s Cyberhauz, 88-67. Upat ka players sa Carkiena Restaurant ang mihaling og double figures ubos sa pagpangu ni Allan Abrasado, kinsa miduslit og 24 puntos. Si Cesar Bragas mibugha’g 20 puntos, gisundan ni
Aljerou Juanillo sa iyang 16 puntos ug Tamtam Sanchez nga adunay 14 puntos. Samtang ang Kyu’s Cyberhauz gipangulohan sab ni Teban pinaagi sa iyang 24 puntos, si Gary Rojas miabuno’g 14 puntos ug si Kyu Perez mitampo’g 10 puntos.
Ang liga gipaluyohan sa Geobert Store, Shea’s Delicious Peanut ug Escorial newsstand.
Puntos Matag Usa
Unang duwa:
CARKIENA (88) – Allan 24, Cesar 20, Aljerou 16, Tamtam 14, Barry 7, Gary A. 3, Badok 2, Jao 2.
KYU’S CYBERHAUZ (67) – Teban 24, Gary R. 14, Kyu 10, Daru 6, Abner 5, Joey 4, Francis 4.
Ikaduhang duwa:
GABELA SHOP (86) – Joel 14, Johnken 14, Ehrik 13, Nick 13, Serg 12, Tony 9, RR 7, Dave 4.
GEOBERT (67) – Rian 25, Beryong 21, Oloy 12, Escorial 5, Wally 4. (BANAT NEWS)
- Latest
