Melindo mag-ensayo sa U.S.
CEBU, Philippines – Si ALA Boxing Gym star Milan ‘El Metodico’ Melindo (32-1, 12KOs) mopaubos sa usa ka makuting training camp didto sa Estados Unidos nga kabahin sa iyang pagpangandam sa iyang sangka batok ni Javier ‘Cobra’ Mendoza (23-2, 19KOs) alang sa IBF light flyweight title sa Mayo 9 didto sa Auditorio Municipal Fausto Gutiérrez Moreno sa Tijuana, Mexico. “Milan will be training in the United States for a couple of months together with fellow ALA boxers,” matud pa ni ALA Promotions President and CEO Michael Aldeguer. “Training in Los Angeles will help him prepare for the biggest fight of his career.” Si ALA chief trainer Edito Villamor, kinsa milarga sa US uban ni Melindo miingon nga adunay posibilidad nga mag-ensayo sila sa nabantog nga Wild Card Gym sa Los Angeles.
Si Melindo may purohan nga mahimong world champion human siya napakyas pagsakmit sa WBO ug WBA flyweight title ni Juan Francisco Estrada dihang napilde siya pinaagi sa unanimous decision duha ka tuig ang milabay sa Macau.
“Sugod na man ko’g training sa gym pero mas nindot gyud maka-train ko didto sa US para add sa confidence,”matud pa ni Melindo.
Human siya mapilde ni Estrada, si Melindo namawi ug adunay three-fight winning streak, labing uwahi mao ang desisyon nga kadaugan batok ni Mexican Saul Alvarez niadtong Nobiyembre 15 sa miaging tuig diha sa Waterfront Cebu City Hotel and Casino. (BANAT NEWS)
- Latest
