Sorongon, Lee daog sa Tesda Run
CEBU, Philippines - Ang veteran marathoner nga si Ruffa Sorongon ug Prince Joey Lee maoy labing dakung mananaog sa ‘Tesda Run: Dagan Ta, Tabang Ta’ kagahapon sa buntag didto sa Cebu Business Park.
Si Sorongon maoy nag-una sa 6K women’s class sa oras nga 24:51, gisundan nila ni Cherry Andrin sa ikaduhang dapit sa oras nga 27:22 ug Aubrey Marlit Losanta sa ikatulo sa oras nga 28:42.
Sa iyang bahin, si Lee mao sab ang naghari sa 6K men’s open human niya gitapos ang lumba sa oras nga 20:21, duha ka segundo ang abante batok sa second placer nga si Elmer Bartolo. Si John Darryl Manos maoy mipuwesto sa ikatulo sa oras nga 20:36.
Sa 3K open, sila si Robert Daang ug Lovely Fee Andrin sa tagsa-tagsa nila ka mga dibisyon.
Si Daang mioras og 2:24, gisundan nila ni Michael Largo (12:25) ug Azlan Pagay (12:27). Sa iyang bahin, si Andrin mioras og 15:36 aron maoy mag-una sa 3K women’s. Sila si Sarah Cuizon (18:00) ug Grace Garces (20:37) mipuwesto sa ikaduha ug ikatulo. (BANAT NEWS)
- Latest
