DHL/Nonoy mipilde sa JRS/lamay

CEBU, Philippines – Gidominar sa DHL/Nonoy ang kinatibuk-ang duwa batok sa JRS/Lamay aron moiskor sa una nilang daog, 87-69 sa second season sa Vendredi Ballclub basketball tournament niadtong  Huwebes  didto sa Garden Bloom Village open court sa Pitogo, Consolacion.

Gipangulohan mismo ni Nonoy Sajot ang kadaugan nga mikabkab og 28 puntos, gisundan ni Joel Pitogo sa iyang 14 puntos.

Human moposte’g 23-12 sa first period, ang DHL/Nonoy walay puas nga  mimakmak sa JRS/Lamay ug ilang gikontrolar ang aksiyon hangtod sa nahabiling mga gutlo sa duwa.

Si  Clark Monsanto miamot og 12 puntos, samtang si R.R. Aligway mitampo’g 10 puntos alang sa DHL/Nonoy nga adunay 1-1 nga baraha ning maong liga nga gipaluyohan sa Geobert Merchandise ni Onesimo ‘Geobert’ Sajot.

Sa laing aksiyon, ang UPS/Kyu yano kaayong mikulit sa ilang ikatulong  daog pinaagi sa paglubong sa LBC/Allan sa iskor nga  95-71.

Si Cesar Bragas mikadlit og 11 puntos alang sa UPS/Kyu nga  adunay 3-0 record.

Si Allan Abrasado mihakot og 19 puntos aron maoy mangu sa LBC/Allan, gisundan ni Tamtam Sanchez nga adunay 15 puntos ug Gary  Rojas sa iyang 11 puntos. Silang Dave Magen ug Beryong P. parehong mitampo’g 10 puntos alang sa LBC/Allan nga wala pa gyud makadaog  sud sa tulo ka duwa.

Puntos Matag Usa

Unang duwa:

UPS/KYU (95) – Cesar  36, Serge 20, Bensoy  11, Johnken 9, Archie  7, Abai  6.

LBC/ALLAN (71) – Allan  19, Tamtam 15, Gary  11, Beryong  10, Dave  10.

Ikaduhang duwa:

DHL/NONOY (87) – Nonoy  28, Joel  14, Clark  12, R.R. 10, Kazuya 8, Ningski 4, Escorial 2.

JRS/LAMAY (69) – Adonis 20, Tamak 16, Marchin 15, Aton 7, Aries 6, Johnrex 5. (BANAT NEWS)