CEBU, Philippines – Napilde na sab ang San Miguel Beermen sa ilang duwa batok sa NLEX Road Warriors,100-93 sa PBA Commissioner’s Cup kagabii didto sa Cuneta Astrodome.
Human makuha ang una nilang daog batok Meralco Bolts niadtong Sabado, ang San Miguel naglisud gihapon pagkuha sa saktong timpla sa ilang duwa aron mahimong contender karon nga conference.
Ang All-Filipino Cup champion nangiwit karon sa standing uban sa Blackwater Elite sa managsamang 1-6 win-loss records.
Gumikan niini, mihanap usab ang kahigayonan sa San Miguel nga mosulod sa playoffs.
Ang ex-NBA cager ug import sa NLEX nga si Al Thornton maoy miguba sa depensa sa San Miguel diin miburak siya’g 30 puntos aron pangulohan iyang koponan.
Daku unta’g labaw ang Beermen, 75-58 sa dayong final period, apan wala na usab nila kini mapanalipdi ug gihatagan nila og higayon ang Road Warriors nga makabalik.
Nangulo sa Beermen mao si AZ Reid sa iyang 27 puntos, samtang si Arwind Santos ug Junemar Fajardo nagkumboya og 30 puntos. (BANAT NEWS)