Kian Cyrus gisubha’g daog sa 3rd Consolacion Barkadahan Basketball League

CEBU, Philippines – Gisubhan dayon og daog ang Kian Cyrus sa una nilang duwa sa 3rd Consolacion Barkadahan Basketball League (CBBL) niadtong Domingo didto sa Barangay Pulpogan gym sa Consolacion, Cebu.

Ang Kian Cyrus milubong sa Mt. Olives sa iskor nga 76-66 ubos sa pagpangulo ni Danny Nillas, kinsa miposa’g 18 puntos. Sila si Jacob Baguio ug Joenard Pales parehong miantog og 15 puntos, samtang si Mamel Larrobis mihirit og 10 puntos alang sa Kian Cyrus  nga  nabiyaan og dos puntos paghuman sa unang 10 minutos sa duwa sa iskor nga 16-18.

Diha na makabawi ang Kian Cyrus sa second half aron masakmit ang una nilang daog ning maong torneyo nga  gipasiugdahan sa VIMBRA.

Upat sab ka players ang miiskor og double figures alang sa nalumpag  nga Mt. Olives.

Sa laing aksiyon, ang Orlmon nakarekober dayon gikan sa ilang kapildihan dihang gipahimungtan nila ang Shane Tricia, 66-58.

Ang maong torneyo gipaluyohan sa Erika’s Delight Bakeshop ug sa Rich Banana Catsup. Ang mga duwa gipadagan nilang Edward Escorial, Noel Calo, Kenneth Tagalog sa VIMBRA ug ingon man ni Rey Cortes.

Puntos Matag Usa

Unang duwa:

KIAN (76) – Nillas 18, Baguio 15, Pales 15, Larrobis 10, Reserva 8, Plaza 6, Iting 2.

MT. OLIVES (66) – Perez 16, Castopa 12, Pilapil 11, Samson 10, Pogonia 8, Vasquez 5, Epe 2.

Ikaduhang duwa:

ORLMON (66) – Javer 15, Yabes 15, Insek 15, Cyril 10, K. Quitay 7, R.R. 4, Jun 2, Lando 2, T. Quitay 2.

SHANE TRICIA (58) –  Osabel 7, Bangkal 7, Osabel 7, Amasola 6, Agbay 4, Osabel 4, Martilos 3, Galvaado 3, Osabel 3, Del Castilo 2, Pepito 2, Alegado 2, Osabel 2. (BANAT NEWS)