NBA All-Star Game karong weekend

Karong weekend himoon ang tinuig nga NBA All-Star Game--Pebrero 13-15 apan dinhi sa atua, Pebrero 14-16.

Ang New York Knicks ug ang Brooklyn Nets maoy co-host sa 2015 NBA   All-Star game tungod kay adto man kini ipahigayon sa New York City.

Lakip sa mga kalihokan sa maong All-Star Game (weekend) mao ang rookie-sophomores game, three-point shootout ug ang slam dunk contest nga adto ipahigayon sa Barclays Center sa Brooklyn samtang ang Madison Square Garden maoy mo-host mismo sa All-Star game unya sa Pebrero 16.

Ang mga 2015 starters alang sa West Conference silang Stephen Curry sa Golden State Warriors, Kobe Bryant sa Los Angeles Lakers (pulihan ni DeMarcus Cousins-Sacramento Kings), Anthony Davis (pulihanan human mapiang kagahapon batok Chicago Bulls), Marc Gasol sa Memphis Grizzlies ug Blake Griffin sa Los Angeles Clippers.

Ang starters sa Eastern Conference mao silang LeBron James sa Cleveland Cavaliers, Carmelo Anthony sa host New York Knicks, Paul Gasol sa Chicaco Bulls, John Wall  sa Washington Wizards, Kyle Lowry sa Toronto Raptors.

Ang host sa miaging tuig mao ang New Orleans ug ang host sa 2016 mao ang Toronto, Canada.

Ang mosalmot sa 3-Point Shootout mao ang defending champion nga si Marco Belinelli sa San Antonio Spurs kinsa maoy midaog sa final tiebreaker batok kang Bradley Beal sa Washington Wizards. Ang laing mosalmot mao silang Curry, James Harden sa Houston Rockets, Kyrie Irving sa Cleveland Cavaliers, Kyle Korver sa  Atlanta Hawks, Wesley Matthews sa Portland Trail Blazers, JJ Redick sa L.A. Clippers ug Klay Thompson sa Golden State.

Wala pay laing NBA shooter nga midaog og sagunson duha ka tuig gawas kang Jason Kapono niadtong 2007-2008.

Ang competitors nga maoy makakuha sa laing taas nga scores sa first round maoy magbagat sa finals.

Sa Sprite Slam Dunk Contest, ang mosalmot mao silang Giannis Antetokounmpo, ang 6-11 nga "Greek Freak" sa Milwaukee Bucks, Victor Oladipo sa Orlando Magic,  Mason Plumlee sa co-host Brooklyn Nets ug ang rookie sa Minnesota Timberwolves nga si Zach Lavine.

Ang slam dunk pagahimoon unya sa Pebrero 15 didto sa Barclays Center  sa New York samtang ang All-Star game pagahimoon sa Pebrero 16 didto sa Madison Square Garden.

Silang Antetokounmpo ug Oladipo maoy labing maayong player sa 2013 draft class.

Advance valentine's day to all!