PICPA team chessfest sugdan na karon
CEBU, Philippines - Napu ka teams ang mag-ilog sa kampiyonato sa 3rd Philippine Institute of Certified Public Accountants (PICPA)-Cebu Chapter Sinulog Open Chess Team Tournament nga mosikad na karong adlawa sa Deep Blue 'd Woodpushers Chess Club sa SM City-Cebu.
Nag-unang mga kandidato alang sa titulo mao ang grupo nilang IM Kim Yap, Rogelio Enriquez, Joel Pacuribot ug Rodrigo Ababat, FIDE Master Anthony Makinano, Voltaire Sevillano, Ronald Ganzon, ug Nestor Encallado ug nilang NM Merben Roque, Richard Natividad, Michael Pagaran ug Carlo Maraat.
Lain pang kasarangan nga mga entrante mao sila Rommel Ganzon, Alan Salientes, Erwin Ababat ug Rafael Perez, Felix Balbona, Felix Shaun Balbona, Carlos Moreno ug Kyle Sevillano, NM Leonardo Alidani, Peterson Sia ug Rey Flores ug Edcel Montoya, Bryle Arellano ug Bonn Tibod. Ang laing tulo ka teams masayran sa dili pa magsugod ang torneyo sa ala-1 sa hapon. Alang sa dugang kasayoran, mahimong motawag ni Tabañag sa 253-2871 o dili ba ni FIDE Arbiter Marvin Y. Ruelan sa 0926-7352951.
- Latest
