Kenyans nag-una sa Cebu Marathon

CEBU, Philippines – Nahimong malampuson ang 2015 edition sa Cebu Marathon diin mga Kenyan elite runners nga sila si Philip Ronoh ug Irene Kipchumba ang migawas nga mananaug sa 42K category kagahapon didto sa Cebu IT Park.

Tam-is kini nga kadaugan alang ni Ronoh (2:53:32) kinsa pakyas pagtiwas sa lumba niadtong miaging tuig tungod sa injury. Nagsunod ni Ronoh sa ikaduhang dapit si Paul James Zafico sa iyang 3:00:01, samtang si Ronald Retes maoy third placer sa oras nga 3:00:55.

Mga local ultra-marathoners nga sila si Rhoda Oporto ug Preciosa Sanchez maoy second ug third placer sa women’s open dihang si Oporto mirehistro og oras nga 3:56:53, samtang si Sanchez adunay 4:00:17 nga oras.

Sa All-Filipino 42K action, si Wilbert Laurencio misakiyo sa men’s open title sa oras nga 3:04:52, samtang sila si Alvirg Busa (3:09:36) ug Bruce Belotindos (3:17:41) maoy anaa sa ikaduha ug ikatulong dapit.

Sa pikas bahin, sila si Sandra Soliano (4:00:38), Virginia Parajenog (4:02:21) ug Mary Luz Shimizu (4:07:25) maoy top three finishers sa women’s class.

Sama sa gilauman, ang marathon queen sa nasud nga si Mary Joy Tabal midepensa sa iyang titulo sa 21K class sa oras nga 1:22:08.

Nagsunod ni Tabal si Jhanine Eve Mansueto sa oras nga 1:33:35, samtang si Michelle Gilbuena maoy third placer sa oras nga 1:38:47.

Midaog sa 21K male si Elmer Bartolo sa oras nga 1:16:23, samtang sila si Daryl Manos ug Arnold Unabia nagsunod sa oras nga 1:18:05 ug 1:19:45.

Midaog usab sa 10K open ang teen runner nga si Cherry Andrin sa oras nga 40:10 ug si Prince Joey Lee sa oras nga 34:34. (BANAT NEWS)

Show comments