Cebuano netter misidlak sa Bahrain
CEBU, Philippines - Kalipay nga walay sama ang naangkon sa Sugbuanong netter nga si Jerico ‘Jick-Jick’ Bohol human midaog sa iyang unang singles title sa Indian Club Centenary Tennis tournament didto sa Bahrain.
Gipakita ni Bohol ang iyang talagsaong performance sa kinatibuk-ang torneyo human sa mga katuigan niyang pagpanglimbasog aron moabante sa final round.
Gisugdan ni Bohol ang iyang kampanya pinaagi sa 6-0, 6-0 nga kadaugan batok ni Husssaifa Sidiqui sa Pakistan, nausban og laing yanong kadaugan batok ni Sabrish Kodoor, 6-1, 6-0 sa India.
Atol sa quarterfinals, si Bohol miiskor sab og makabungog nga kadaugan batok ni Roy Boutagy sa Lebanon aron moduwa sa semifinals batok ni Khalid Mosaw.
Gawas ni Bohol, laing tulo ka Pinoy tennis players ang nagmadaugon sab sa maong torneyo uban sa laing Sugbuanon nga si Dwight Alivio uban ni Abby Pelagio sa Manila diin nidaog sila og runner-up trophy sa mixed doubles category, samtang si Claire Pilapil sa Masbate nahimo sab nga runner-up sa women’s open. (BANAT NEWS)
- Latest
