CEBU, Philippines – Nakadagit na sab og korona ang team Warhawk sa Popular Feedmil Corp. human nila gibihag ang SM Appliance, 81-56 aron makampiyon sa Zaldy S. Lumapas Inter-company basketball tournament niadtong Domingo sa gabii didto sa Brgy. Umapad gym, Mandaue City.
Sa first quarter pa lang, miarangkada dayon ang Warhawk sa pagpangulo nilang Lorenzo Bartido ug Edward Cuyno aron motusik og 28-7 nga bentaha.
Mitubo pa ang labaw ngadto sa 25 puntos sa fourth quarter dihang gipasud na ni coach Ranulfo Alivio ang Poligrates sa Warhawk nga si Wendel ‘Wen’z Atill’s’ Atillo, kinsa daku kaayo’g natabang sa depensa.
Sila si M. Lapinid ug Richie Sedeño nagkumboya’g 23 puntos, 6 rebounds ug 5 blocks alang sa Warhawk ni team manager Rey Geverola ug RJ Jurado, ang team consultant.
Ang SM Appliance gipangulohan nilang Crism ug Enoc nga parehong adunay 10 puntos.
Puntos Matag Usa
WARHAWK (81) – M. Lapinid 12, Sedeño 11, Jun Lumapas 8, Bartido 8, R. Lapinid 7, Jo-on Lumapas 6, Entice 6, Cuyno 4, Atillo 3, Maluya 2, Bionson 2, Garson 2, Gulfan 2.
SM APPLIANCE (56) – Crism 10, Enoc 10, Rosehub 6, Panero 6, Abellana 6, Chavez 6, Mata 4, Purisima 4, Amangpang 2. (BANAT NEWS)