CEBU, Philippines – Ang Kenyan nga si Isaac Simat ug Cherry Andrin midaog sa tagsa-tagsa nila ka dibisyon sa 36th Halad Kang Mano Amon Run kagahapon didto sa Danao City boardwalk.
Si Simat misakiyo sa 12K men’s title human niya gikompleto ang lumba sud sa 43 minutos ug 29 segundos. Si Michael Largo maoy second placer sa 46:05, gisundan ni Robert Daang sa oras nga 47:05.
Sa women’s class, si Andrin miangkon sa top place sa oras nga 49:15 diin iyang giapsan si Keisha Delechos nga maoy second placer sa oras nga 49:28.
Sa laing bahin, si Regie Magbulogtong midaog sa 6K men’s title, gisundan ni Jay Hermosilla ug Ramonito Lato. Bea Nadine Garcia maoy ga-una sa women’s division uban sa mga runner ups nga sila si Odette ug Fatima Unabia.
Si Jerry Laurente ug Cherry Rose Mata labing paspas sa Danao City Hall employees division, samtang si Gee Obiso ug Kholine Lyshelle Olivar maoy mananaug sa 3K elementary race. (BANAT NEWS)