CEBU, Philippines – Miiskor og daog ang Lower Lomar Youth Organization ug ang Mother of Perpetual Help-Kinel John batok sa ilang mga kaatbang sa mini division sa Inter-Color Lorega Echavez Youth Council Sinulog Cup 2015 basketball tournament didto sa Brgy. Lorega gym, ning siyudad.
Ang LLYO nakaipsot batok sa Cliques, 28-26, samtang ang MOPH-KJ mipilde sa Samayo, 28-23.
Sikit kaayo ang duwa sud sa upat ka period, apan ang LLYO maoy misakmit sa daog human sa krusyal nga tira ni Pol Ingente sa katapusang 10 segundos.
Si Ingente maoy topscorer sa LLYO pinaagi sa iyang 11 puntos, samtang ang managsuong CH ug CJ Mangyao nagkumboya’g 13 puntos sa maong kadaugan.
Nangulo sa pilderong Cliques mao si Andrew Tanajura sa iyang 15 puntos.
Sa laing bahin, ang MOPH-KJ gipangulohan ni Cyrheal Villasor, kinsa mipabuhagay og 14 puntos. Si Charlie Bacarisas maoy nangulo sa Samayo sa iyang siyete puntos. (BANAT NEWS)