CEBU, Philippines - Ang San Roque Football Club ug San Roque Parish mopasiugda’g “All-Men’s 7-a-side Football Cup” karong Disyembre 21 didto sa San Roque field sa barangay Subangdaku, Mandaue City.
Ang kalihukan ubos sa bendisyon sa Cebu Football Association (CFA) gibahin ngadto sa men’s open, inter-company ug 38-above categories.
Gumikan sa kaapiki sa panahon, ang mga tigpasiugda milimit lang sa numero sa mga entrante matag koponan. Tungod niini, ilang gihangyo ang tanang interesadong koponan sa pagpalista sa dili pa ang gihatag nga deadline sa Disyembre 17.
Ang registration fee alang sa inter-company nagkantidad og P2,000, samtang sa ubang dibisyon nagkantidad og P1,500. Alang sa dugang mga pakisayod sa maong kalihukan, mahimong mokontak ni coach Tonio Trebol sa 0917-6315034.