Alin Brokers daog sa Ynah, abante sa semifinal
CEBU, Philippines - Gipilde sa no. 2 Alin Brokers ang no. 7 seed Ynah Brokers, 85-81 aron moabante sa semifinals sa 3rd BOC-CIPU Friendship Cup basketball tournament niadtong Martes didto sa barangay Tinago gym, ning dakbayan.
Nagsangkiig ang Alin ni team owner Israel Alin sulod sa kapin tres minutos diin wala gyud sila makatilaw og labaw tungod kay bugnaw kaayo silang Ryan Barral, Ryan Villomo ug Jonas Cayanong.
Didto na molabaw ang Alin Brokers sa tunga-tungang bahin sa third period human sa three-point play ni Barral ug wala na makarekober ang Ynah.
Dobleng selebrasyon ang naangkon sa Alin kay gawas nga misud sa semis, si Barral mao sab ang napiling bag-ong presidente sa BOC-CIPU hulip ni Custom Police Boodie Monteno.
Ang kanhi ex-USJR Jaguars nga si Miguel Tabaloc maoy nangu sa Alin sa iyang 27 puntos, lakip ang duha ka krusyal nga three-pointer sa daginutong oras sa fourth period. Si Barral midugang og 17 puntos.
Ang Ynah gipangulohan sab ni Gerry Singson sa iyang 20 puntos, gisundan ni Jeff Garcia nga adunay 18 puntos.
Puntos matag usa
Alin (85) – Tabaloc 27, Barral 17, Cayanong 12, Villomo 10, Estorgio 7, Lleve 17, Nudalo 4, Alin 2, Teadio 2, Baltonado 2.
YnAH (81) – Singson 20, Garcia 18, Tan 8, Allerite 7, E. Dellosa 6, Dellosa 6, Peras 6, Niones 4, Lobitana 4, Carmen 2, Purcia 2, Villarin 1.
- Latest
