Kia gitaktak sa Meralco

CEBU, Philippines - wala na’y paglaum ang Kia Sorento nga moabante sa quarterfinals human sila gipilde sa Meralco Bolts, 99-93 sa PBA Philippine Cup kagabii didto sa  Smart Araneta Coliseum.
Si Cliff Hodge miiskor og 10 sa iyang 17 puntos sa final period, samtang si Mark Macapagal mipasulod sa lima niya ka tira sa katapusang sayes minutos aron makompleto ang usa ka come-from-behind nga kadaugan batok sa Kia, kinsa naglabaw unta’g 22 puntos sa sayong bahin sa second half.
Sa maong kadaugan ang Bolts misulod sa top six alang sa playoffs sa ilang 5-5 win-loss record, samtang ang Kia natagak sa ika-11 dapit sa standing  nga adunay 1-9 record.
Ang Kia mosuway pagkulit og daog  batok sa NLEX Road Warriors alang sa ilang katapusang duwa karong Domingo. (BANAT NEWS)