Bulldog, Astroboy miiskor og daog sa sunday.com tilt
CEBU, Philippines - Mirehistro og daog ang Bulldog ug ang Astroboy sa managlahi nga paagi batok sa ilang tagsa-tagsang kaatbang sa Sunday.Com Basketball Club Christmas League 2014 niadtong Martes sa gabii didto sa Mandaue City Cultural and Sports Complex sa maong siyudad.
Ang Bulldog yano kaayong mikawhat og daog pinaagi sa paglubong sa Minions, 72-47, samtang ang Astroboy miagi pa og kulba una nila maangkon ang 53-51 nga kadaugan batok sa Dota.
Si Tawing Grafe miiskor og 15 puntos aron pangulohan ang Bulldog, kinsa nagtangag karon og 2-2 nga baraha.
Human moposte’g sayes puntos nga bentaha, 13-7 sa basket ni Tata Nadera, ang Bulldog kalit lang nga misutoy ug miburot ang ilang labaw ngadto sa 12 puntos, 36-24 paingon sa final period. Sukad niadto namintinar sa Bulldog ang ilang double digits nga labaw hangtod na sa pagkapupos sa oras.
Ang Minions nga kausa lang nakatilaw og labaw, 2-0, gipangulohan nilang Lemuel Lapinid ug James Latonio nga mituhog og 10 puntos matag usa.
Sa laing bahin, sila si Francis Maucesa ug Deneve Ymbong nagkumboya’g 23 puntos alang sa ikaduhang sunod-sunod nga daog sa Astroboy, kinsa nagbitbit og 3-1 nga baraha ning maong torneyo nga gipaluyohan sa VECO ug sa IPI uban sab sa suporta ni Engr. Ray Gallego.
PUNTOS MATAG USA
Unang duwa:
BULLDOG (72) – Grafe 15, Ouano 12, Apas Sr. 10, Apa Jr. 10, Antigua 9, Ygot 7, Curiba 7, Bacus 4, Nadera 2.
MINIONS (47) – Lapinid 10, Latonio 10, Seno 8, Corilla 7, Balila 4, Renante 4, Palapo 3.
Ikaduhang duwa:
ASTROBOY (53) – Maucesa 12, Ymbong 11, Gahi 8, Pacilan 7, Mendoza 4, Jamiro 4, Carba 3, Ancajas 2, Cortes 2.
DOTA (51) – Christopher Cabahug 17, Christian Cabahug 10, Palabay 10, Alosada 5, Padin 4, Mascariñas 3, Neiz 3.
- Latest
