CEBU, Philippines – Ang Philippine Taijutsu Yaw-Yan Foot Boxing League mopahigayon og Invitational Kickboxing Tournament ugma sa gabii didto sa Alegria Sports Complex.
Moaway sa main event ang hometown fighter nga si Johnny Legaria sa Alegria batok ni Clark Dingding sa Lapu-Lapu City.
Sa special bout, ang veteran kickboxer nga si Rene Noblefranca sa Talisay City moharong ni Virgil Abiada sa Lapu-Lapu City.
Lain pang moaway mao sila si Reynante Boctot sa Sibonga, Cebu batok Anthony Abcena sa Mandaue City, Jayson Nicart sa Talisay City batok Dave Ivan Sunugan sa Maasin City ug si Jessie Boysis sa Talisay City batok Elmer Roser sa Maasin City. Aduna pay laing unom ka paresan sa mga kickboxers ang moaway sa undercard sa maong kalihukan nga gisuportahan sa Municipality sa Alegria. (BANAT NEWS)