Medyo naglibog ako niining (hashtag) nga #HungryForGlory sa sangka nilang Pinoy boxing hero Manny Pacquiao batok sa undeafeated American boxer nga si Chris Algiere kung unsay buot ipasabot aning "Hungry For Glory."
Si Pacquiao maoy midaog batok kang Brandon Rios sa miaging tuig pinaagi sa unanimous decision didto sa Macau. Bag-ohay lang nahimong playing coach sa Kia Sorento basketball team sa PBA. Gawas pa sa iyang pagka-Kongresista duna pa gyud siya'y minilyon nga salapi. Ambot asang dapita giuhaw sa dungog si Pacquiao nga nagsobra naman gani ang iyang kabantugan sa tibuok kalibotan. Ang kuwang na lang tingali nga dungog kung mudaog bag-usab ang Sorento o magmilagro nga mahimong kampiyon sunod season sama kadali ug kapaspas sa iyang mga kumo.
Si Algiere, ka-usa pa lang makatilaw og pilde sa iyang 21 ka away apan sa wala pa ang sangka batok kang Pacquiao, naghupot siya'g 20-0 record. Ambot unsa pa kahang dungoga ang buot nilang ipasabot nga dili man unta 0-20 ang iyang record.
Dili sab kita makaingon nga uhaw og dungog kini si Bob Urom, aw Arum ug labi pang dili sab tingali uhaw og dungog kini si Freddie Roach kay kadaghan na siya mahimong Best Boxing coach of the Year. Bisan ako bilib kang Roach nga daw pirmeng hubog mosulti.
Midaog na sab si Pacquiao kagahapon pinaagi sa usa ka unanimous decision batok kang Algiere didto gihapon sa Macau. Tungod sa iyang pagdominar nga unom ka higayon iyang gitumba si Algiere, ambot duna pa ba kaha'y mokagat kung dunay laraw alang sa usa ka rematch kay kung ingon ana ang matang sa away nga magsige og katumba ang kontra, buot pasabot wala gyu'y dag-anan o walay por siento nga madag-an.
Maayo lang tingali og dretso na lang hagiton si Floyd Mayweather, Jr. ug dayonon gyud ang gitawag og "mega fight" aron masuta kung kinsa gyung tinuoray nga hari sa boxing.
Nagduda na sab hinoon ako nga dili na sab mosukol si Mayweather kay maoy iyang gamiton nga rason ang pagkatikangkang ni Algiere. Dili ako mahibung kung ugma mo-issue dayon og pamahayag si Floyd nga "Manny did not win against a great boxer. He won against a patsy boxer. Tiaw mo lang unom ka higayon nahagba. Nganong wala naman lang siya magdala og banig ug unlan sulod sa ring aron adto matulog sa canvas?
Dali ra kaayong makakitag alibi kini si Floyd ug niining kadaugan ni Pacquiao batok Algiere, dili mosipyat hatagan na sab kini niya'g laing rason aron makabalibad nga dili madayon ang ilang away.
Hinoon sab, wala tingali imposible alang kang Arum kay siya maoy tinuoray nga hungry for glory. Si Arum na lang bahala kung unsaon niya pagkumbensi si Floyd ug ang maayo tingali iyang tanyagan og makabungog nga presyo (purse o prize money) aron kini mosugot nga kumbatehon si Pacquiao.
MISCELLANEOUS. This corner wants to condole and express a deep sympathy to my uncle Marlito G. Arquillano who died last November 19 due to lung cancer at the age of 74. His remains will be brought to San Francisco, Camotes where the Arquillanos hailed (relative of Mayor Alfred Arquillano) and interment will be on Sunday, November 29 at the Arquillano private cemetery after the 10 a.m. requiem mass. The deceased who is a Certified Public Accountant was former CPA Examiner and was formerly a top executive of the National Power Corporation. The Lapu-Lapu City Fiesta already passed last November 20-21 but I never miss going there despite the fiesta was over. For the first time in my life, it was at the Birhen sa Regla Shrine in Lapu-Lapu that I heard a Tagalog mass. It is not impossible however as we hear English mass even if we're not in America or in Europe.