CEBU, Philippines - Gipaabot nga magpunsisok ang mga basketball fans didto sa dakbayan sa Carcar dihang magsangka ang PBA Legends batok sa UV Green Lancers sa usa ka exhibition game karong gabii didto sa Carcar City Sports Complex.
Ang PBA Legends pangulohan ni Noli Locsin, ang kanhi bigman sa Ginebra San Miguel uban sa pipila ka mga artistang players nga silang Antonio Aquitania, Boy Quizon ug silang Derek Hubalde ug Olympian boxer nga si Onyok Velasco. Ang UV Green Lancers pangulohan sa ilang athletic director Samsam Gullas.
Ang duwa pagadumalaon ni Julie Flores, ang tournament director sa 2014 Mayor Nice Apura Cup basketball tournament. (BANAT NEWS)