MVP nag-ingon coach Chot wala na, apan si Sonny Barrios ingon naa pa

Kinsa man gyud kahay atong tuohan aning mga maayong laki sa basketball dinhi sa nasud? Si Samahang Basketbol ng Pilipinas SBP president Manny V. Pangilinan ug si Philippine Basketball Association PBA Commissioner Chito Salud o kini ba hinoon silang Sonny Barrios ug si Gilas Pilipinas head coach Chot Reyes?

Usa ka adlaw human gikuhaan ni PBA Commissioner Chito Salud og mga sugyot ang 12 ka mga team owners sa PBA, mipagawas dayon og mensahe ang SBP nga kinahanglan nang usbon ang basketball program sa Gilas Pilipinas ug ang Gilas team ni coach Chot Reyes bungkagon na og dili na siya maoy coach. Ang maong taho migawas sa internet niadtong Oktubre 29 ug gipistahan dayon sa mga anti-Reyes netizens. 

Gi-aprubahan sa SBP ang pagtukod og usa ka grupo nga maoy tahasan sa pagpili og bag-ong head coach ug pagpili sa mga players alang sa national team nga gikan sa PBA nga maoy molangkub sa national pool.

Ang PBA, PBL, BAP ug uban pang mga dagkung lega ug mga grupo sa basketball dinhi sa Pilipinas apil na ang collegiate leagues maoy nagsilbing mga stakeholders sa pagmugna sa makasaysayanong SBP didto sa Dusit Hotel sa Makati pipila na ka tuig ang milabay ug usa ako sa saksi niadtong maong dakong tigum nga may kalabotan ang kahimtang sa basketball sa Pilipinas ingon man ang pagmugna og mga programa kun unsaon pagpalambo ang atong basketball.

Ang PBA ubos sa pakig-alayon sa SBP, mao ang kanunay mopili sa mga sakop sa national team nga musalmot sa mga international tournament sama sa FIBA Asia Qualifying, FIBA World Cup ug Asian Games nga pagalangkuban sa mga PBA players.

Nasuwayan na kini sa unang duha ka edisyon sa Gilas diin ang unang coach mao ang Serbian bench tactician nga si Rajko Toroman ug human sa ilang sixth-place finish didto sa Beihing, China niadtong 2010 Asian Games, maoy gipuli si coach Chot diin ang iynag team milandig sa ikapitong pwesto nga maoy labing layo nga naabtan sa RP Team sa kasaysayan sa Asian Games.

Ang bag-ong grupo nga pagatukoron sa PBA ug sa SBP, maoy mopili sa bag-ong coach diin kinahanglan silang mag-meeting og sayo tungod kay naglaraw ang Pilipinas nga musalmot sa 2016 Olympics didto sa Rio de Janeiro sa Brazil ug ang bugtong paagi nga kini matuman mao ra gyud ang pagdaog sa umaabot nga 2015 FIBA Asia Championship didto sa China unya sa Agosto sa sunod tuig.

Dili man tingali nato makuha ang kampiyonato apan labing menos sab nga makuha sa Pilipinas ang ikaduha o  ikatulong pwesto aron moabante pinaagi sa wild card.

Sa wala pa sila musalmot sa  2014 Incheon Asian Games, daan nang nanglantaw si Reyes nga maoy tumong sa Gilas nga makakuha'g luna sa 2016 Olympics apan karon, wala na siya'y labot sa maong laraw o ambisyon.

Apan ambot og unsa kini ka tinuod nga may labot pa man diay sa Gilas ug wala man kuno siya taktaka sumala pa ni Barrios ug ang broadcast station nga mipahibalo sa pagkabungkag sa Gilas ug pagkataktak ni Reyes, mao ra sab ang estasyon nga nanghimakak niini apan lahi nga mga personalidad ang nahimong tinubdan. 

MISCELLANEOUS. This corner expressed my deepest sympathy to the family of my cousin Philippines "Phil" D. Cadorna whose husband Roberto A. Cadorna died last October 21 at the age of 52 due to heart ailment. He was interred last Friday, October 31 at the Mawi Cemetery My sisters Grace Malagar and Gina M. Quindao were also there to condole with the Cadorna family from barangay Mawi, Duero, Bohol. They have three children--- twins Hanna Liza and Monna Liza and Verna Veronica. Phil's four other sisters were present namely; May, Joy Nieva and Suzette but none of his four brothers have made it namely; Giovanni, Dominic, Evar Dane and Lyndon.