PCCL maoy mosunod

CEBU, Philippines – Matud pa sa marka sa t-shirt "basketball never stops." Walay puas ang basketball dinhi sa Sugbo gikan pa niadtong buwan sa Agosto diin gisugdan ang Cebu Schools Athletic Foundation, Inc. (CESAFI) nga natapos niadtong Oktubre 19 diha sa Cebu Coliseum ug niadtong Oktubre 22, misunod sab dayon ang usa ka short tournament nga gitawag og 10th Asian University Basketball championship kon  AUBC.

Usa kini ka mubo nga international tournament nga gisalmotan sa upat ka teams nga gipasiugdahan ni Lorenzo "Chao" Sy sa La Fortuna Bakery ug gipaluyohan sa Cebu provincial government diin tulo ka mayor ang mipadayag sa ilang suporta.  Ang langyaw nga team nga miduwa dinhi mao ang Myongji University gikan sa Seoul, Souh Korea uban sa tulo ka local teams nga naglakip sa top 3 CESAFI teams nga mao ang 2014 champion Southwestern University Cobras, second placer University of San Carlos Warriors ug 3rd placer University of the Visayas Green Lancers.

Ang lima ka adlaw nga torneyo gibuksan didto sa Bogo City ug gipaluyohan ni Bogo City Mayor Celestino E. Martinez, Jr. Ang ikaduhang adlaw sa torneyo didto gihimo sa lungsod sa Dalaguete ubos ni Mayor Ronald Cesante ug ang ikatulong adlaw didto sa lungsond sa Minglanilla ubos ni Mayor Elanito Pena. Ang nahibiling duha ka adlaw sa torneyo dinhi na ipahigayon sa dakabayan sa Sugbo---didto sa USC Main Campus gym ang semifinals ug ang finals didto sa bag-ong gipanindot nga Cebu City Sports Institute nga gipanag-iya sa kagamhanan sa Sugbo ubos sa pagdumala ni Mayor Michael L. Rama.

Mainiton ang paghangop sa mga kalungsoran sa maong torneyo apan subo nga palandongon nga wala kini tagda dinhi sa dakbayan sa Sugbo. Medyo naapektohan gyud ang torneyo tungod sa kalagyo sa mga duwa ug wala kaayo kini mahibaw-i sa katawhan tungod kay overnight ang resulta sa mga duwa.

Mapahiubsanon kaayong nangayo'g pasaylo si Chao ngadto sa team officials sa Myongji kay wala malakip sa ilang sabot nga ipanglabay sa lagyong lugar ang mga duwa ug nagdahum intawon ang mga Koreano nga ang tanang duwa anha ra ipahigayon sa Cebu Coliseum.

Mipasalig si Chao nga kung mobalik o mosanong gihapon ang Myongji sa iyang imbitasyon, dili na niya hagoon ang mga bisitang Koreano. Aron mabawi ang iyang gamay nga kasaypanan, ang pag-andam og mga lamiang pagkaon maoy gihimo ni Chao aron mahupay o maulian ang maayong buot sa gipangsapot nga Koreano.

Gitak-upan na ang maong torneyo kagahapon apan niining pagsuwat niining maog lindog, wala pa nato hisayri ang opisyal nga resulta kung kinsa gyud maoy midaog sa titulo ug ingon man sa sangka sa ikatulong pwesto.

Karong Nobiyembre 13, anhi sab ang pipila ka mga duwa sa Philipppine Collegiate Champions League (PCCL) southern Islands elimination phase diin unang magtakos mao ang duha ka runnners-up---ang runner-up sa CESAFI ang USC Warriors batok sa runner-up sa UAAP Season 77 ang Far Eastern University Tamaraws.  Tungod kay mahiligon kaayo ang Sugbo sa duwang basketball, higayon na natong makasaksi og first-class basketball action nga panagsa lang nato makita sa personal.

MISCELLANEOUS. Belated birthday greetings to my niece Gladys Avelyn M. Decierdo who celebrated her birthday last October 24. Few days earlier, two of my sisters were also celebrating their milestone and the joint celebration was held at the Golden Cowrie restaurant in Lahug. Again, whether it is a family affair or a Kapihan sa Singko weekly gatherings, I am always absent. Hope that I will have sufficient time to make up in the future. Hopefully my presence will be translated into a "present" as in gift  (haha). The SVD Community of the University of San Carlos tendered a thanksgiving party at 5pm today to honor their athletes as announced by their athletic director Fr. Adriano Ocariza, SVD. (BANAT NEWS)