CEBU, Philippines – Nagtabla na karon sa unang puwesto ang Aulga Dormitory ug CVCCO human modaog batok sa tagsa-tagsa nilang kaatbang alang sa ilang 2-0 nga baraha sa Guadalupe Athletics Association (GAA) niadtong Domingo didto sa Guadalupe Sports Complex.
Ang Aulga Dorm midaog batok sa Cainglet Farm sa iskor nga 88-82, samtang ang CVCCO mipukan sa GM Trans, 78-72.
Sa pasiunang duwa, gilubong sa sitio Langgaman ang Dayon sa iskor, 81-64, samtang gilubong sab sa Guadalupe All-Star ang Mc Mill, 100-80.
Ang Langgaman ug Cainglet Farm nagtabla sab karon sa managsama nilang 1-1 win-loss record. (BANAT NEWS)