CEBU, Philippines - Human masukamod dihang napilde sila sa MP Brokers sa miaging semana, daling nakabangon ang Alin Brokers pinaagi sa pag-iskor og upset nga kadaogan batok sa CEI, 86-78 kaniadtong Huwebes sa nagpadayon nga 3rd season sa BOC-CIPU Friendship Cup basketball tournament didto sa barangay Tinago gym, ning dakbayan.
Sa laing duwa, gipahamtangan sa Lao Brokers sa labing una nilang pilde sulod sa upat ka duwa ang Ynah Brokers kinsa ilang gilatos og 13 puntos, 108-95 aron makigtabla sa ilang biktima sa 3-1 nga baraha.
Miaginod sab ang Alin Brokers ngadto sa 3-1 aron makamugna og three-way tie sa ikatulong pwesto.
Si Ryan Barral, ang numero unong fan ni Dwyane Wade, maoy nangu sa Alin Brokers sa iyang 22 puntos samtang mibahug sab og 22 puntos si Andrew Munez alang sa CEI ni team owner WilJohn "Sugar" Camay kinsa mitampo og singko puntos.
Ang managsu-ong Nico ug Tata Laborte midugang og 16 ug 11 puntos matag usa alang sa CEI kinsa midailos ngadto sa 2-3 nga kartada gikan sa maayong pagsugod sa 2-0 sa sayong bahin sa torneyo.
Sa laing bahin, upat ka players sa Lao Brokers ang nagmangtas ug wala mapiog bisan pa sa 31 puntos nga gipabuhagay ni Gerry Singson alang sa Ynah Brokers. Si Glenn Allerite miabuno og 18 puntos samtang may 10 puntos si Jeff Garcia a.k.a. "Allen Iverson" alang sa Ynah Brokers.
Puntos matag usa:
First Game:
Alin Brokers (86)? Barral 22, Estorgio 16, Lleve 16, Tabaloc 8, Cayanong 6, I. Alin 4, Villomo 4, L. Barral 4, Baltonado 2, Tradio 2, Quiros 2.
CEI (78)---
Munez 22, N. Laborte 16, T. Laborte 11, Pino 11, Amoin 9, Camay 5, Inoc 2, Genobiagon 2.
Second Game:
Lao Brokers (108)? Jadraque 23, Factor 21, Bugtai 15, Plando 12, Velasquez 9, Ramos 8, Amaro 8, Davila 4, Batiquin 4.
Ynah Brokers (95)? Singson 31, Allerite 18, Gacria 10, Niones 7, Tan 5, Peras 5, Villarin 4, Lobitana 4, Purcia 3, Dellosa 2.