Reluya mao ang ‘star’ sa MX-LRS karon
CEBU, Philippines - Ipaambit ni Ricardo ‘Nonoy’ Reluya Jr. ang iyang kalampusan sa motocross sa MX-RLS (Motocross Rider Life Story), ang bag-ong segment sa MS Motosuit Motocross TV series nga makita karong adlawa sa CCTN 47 sa alas-10 hangtod sa alas-10:30 sa buntag.
Si Reluya edaran na ug 36-anyos na siyang miapil og lumba sa motocross, apan dili kini babag alang sa iyang gihigugmang extreme sport.
Matud pa ni Reluya, nga ang beteranong si Pepo Rubi, usa sa iyang suod ug masidlakong rider sa Sugbo maoy usa nga nakapadasig kaniya pag-apil sa motocross ngadto sa highly competitive level.
“Aside from being my mentor, Pepo also serves as my personal doctor, so to speak, because he takes care of me every time I suffer an injury,” matud pa ni Reluya, kinsa mao sab ang barangay captain sa Panadtaran sa San Fernando.
Si Reluya nidaog og back-to-back championships sa executive B category atol sa 2005 ug 2006 seasons sa tinuig nga MS Motosuit Motocross Series.
Kanunay sab siya nga modaog matag lumba nga iyang apilan sa nagkalain-laing dapit sa nasud sama sa Lanao, Palawan, Cagayan de Oro, Dipolog, Bacolod, San Carlos City ug Bukidnon ug uban pang mga dapit.
Ang replays sa tunga sa oras nga salida makita matag Domingo gikan sa alas-10:30 hangtod sa alas-11 sa gabii.
- Latest
