CEBU, Philippines - Himuon na karong Sabado ang tinuig nga Press Freedom Run nga usa sa sports event sa Cebu Federation of Beat Journalists (CFBJ).
Adto kini manukad ug matapos sa City Sports Club grounds sa Cebu Business Park.
Duha lang ka kategoriya ang ipahigayon sa maong kompetisyon nga mao ang 5K ug 3K run.
Ang lumba limitado lamang ngadto sa 200 ka luna alang sa mga entrante ug ang registration sugdan sa alas-5 sa buntag karong
Sabado. Ang lumba sugdan sa alas-6 sa buntag.
Usa sa gibag-o niining lumba karong tuiga mao nga dili na mogamit og straw alang niadtong molabang sa water station, inay
sabwagan sila’g color powder nga maoy timailhan nga nakalabang sila niadtong dapita.
Ang top three finishers sa matag kategoriya makadawat og ganting salapi.
Adunay pagahimuon nga zumba human sa lumba. (BANAT NEWS)