CESAFI All-Star Games himuon karon sa Cebu Coliseum

CEBU, Philippines -  Mag-abot na karong adlawa ang mga piniling magduduwa sa Cebu Schools Athletic Foundation (CESAFI) sa ipahigayong North vs. South sa 14th CESAFI All-Star Games  diha sa Cebu  Coliseum.

Sa dili pa ang All-Star Games unahon una sa pagpahigayon ang Slam Dunk contest ug 3-point shootout sa ala-1 sa hapon.

Ang mga maayong laking players gikan sa UV, USC ug UC maoy molangkob sa North ni coach Junthy Valenzuela, samtang ang SWU, USJ-R ug CIT-U sa South ni coach  Raul ‘Yayoy’ Alcoseba alang sa collegiate division.

Sa secondary division, molangkob sa North ni coach Rommel Rasmo mao ang SHS-AdC,  CIT-U, USJ-R ug CEC.

Samtang ang South ni coach Delfin Pepito Jr. mao ang UV, USC, UC ug USPF.  (BANAT NEWS)