CEBU, Philippines- Sa unang higayon,usa ka eskrima blackbelt gikan sa Germany ang mosulay alang sa Master’s rank sa Doce Pares ‘multi-style” system karong adlawa.
Si Karsten Kalweit, 43-anyos sa Bietigheim, Germany moatubang sa Board of examiners aron pruybahan ang iyang mga kuwalipikasyon dili lang sa iyang abilidad ug kinaadman, apan lakip na ang iyang attitude ug ability pagdala sa iyang mga katungdanan ug responsibilidad isip eskrima master.
Aron pagsuway sa iyang kahibalo, si Kalweight gihangyo sa pagpakita sa demonstrasyon ang tanang component fighting styles sa Eskrima nga gi-incorporate sa Doce Pares system. Naglakip kini sa Single Stick, Espada Daga, Knife Fighting, Bolo/Sword Fighting ug Empty Hand (Mano-Mano). (BANAT NEWS)