CEBU, Philippines - Kapin sa 200 ka mga tennis players gikan sa nagkadaiyang dapit sa nasud ang mag-ilog sa mga titulo sa 19th JRG Gullas Tennis Cup nga mosikad karon sa duha ka managlahing binyu --Alta Vista Golf and Country Club sa Pardo ug Citigreen Tennis Resort sa Mambaling, Cebu City.
Ang JRG mao ang initials ni Jose Rivera ‘Dodong’ R. Gullas, ang amahan sa labing karaan ug labing dakung tennis event sa Visayas ug Mindanao.
Mga Cebu bets naglakip nila ni reigning double champion Jana Pages, Arthur Craig Pantino, Cesar Kristoffer Salimbangon, Gener Francis Lambayan, Norman Enriquez, Zethley Mae Alferez, Shyne Villareal ug Kristine Renee Salimbangon.
Gawas sa mga elite players sa Sugbu, manulong sab ang mga taga Luzon nga sila si Nikki Ong sa Manila ug Kurt Angelo Molina sa Bicol.
Ang mga pambato sa Visayas mao sila si Joshua Ramon Torres sa Baybay ug Ellaine Rose Bahonsoa, taga Siquijor nga sila si Heart Sotto ug Ellaine Rose Bahonsoa, Jewel Gorospe sa Bais, Bacolod netter JR Arguelles ug pambato sa Bohol nga si Ashley Zamora ug Kaye Alota.
Moduwa alang sa Mindanao mao sila si Rupert Ohrelle ug Repert Regie Tortal sa Surigao, Tubod, Lanao player nga si Brent Seigmond Cortes, Ashton Benne Villanueva sa Ozamis ug Janus Ringia gikan sa Koronadal.
Mga kategoriya nga tigian naglakip sa boys 16-under, boys 14, boys division, boys 12 and 18 ug 18-under. Ang girls side gibahin sa girls 12-under, 16-under ug 18-under.
Aduna say unisex 10-under class.
Mga titulo nga ilogan sa doubles event mao ang 10, 14 ug 18-under divisions. (BANAT NEWS)