Early time slot alang sa Sunsport basketball camp sa Cordova
CEBU, Philippines- Mitakda og early time slot sa ilang mga estudyante ang mga organizers sa Sunsports Basketball Training Camp didto sa Cordova nga magsugod sa Septiyembre 6 didto sa Cordova Sports Complex.
Ang lima ka semanang training camp nga matapos sa Oktubre 4 himuon matag Sabado diin mogahin kini’g duha ka oras matag sesyon gikan sa alas-8 sa buntag hangtod sa alas-10 sa buntag.
Bukas kini sa aspiring hoopsters nga nagpangedaron og otso hangtod sa 19 anyos.
“We wanted to start the day right for the young aspiring cagers through a meaningful physical fitness activity that is why we have set an early time slot for their training,” matud pa ni camp director Giovannie ‘Jojo’ Romarate.
Ang tinuig nga training camp himuon unta sa panahon sa summer, apan tungod sa hangyo sa kadaghanan, nakahukom ang mga organizers nga mopahigayon og senemanang clinic.
Matud pa ni Romarate nga atol sa training, ang mga partisipante mokat-on sa fundamental ug technical aspects sa sports.
“We will impart to our students the fundamentals of the sport such as proper shooting, dribbling, passing, footwork and other related drills," matud pa ni Romarate, kinsa mao sab ang head coach of Salazar Colleges of Science and Institute of Technology (SCSIT) Skyblazers.
Sa registration fee nga P1,000, ang mga entrante makadawat na og libreng upper jersey ug Sunsports basketball 2014 edition.
Alang niadtong interesado, mahimong mokontak ni Romarate sa 0933-2677713/0921-2338305 o di ba sa 260-8608. (BANAT NEWS)
- Latest
