SHS-ADC mimakmak sa USPF

CEBU, Philippines -    Gidabo-dabohan sa Sacred Heart

School-Ateneo de Cebu (SHS-AdC) Magis Eagles ang University

of Southern Philippines Foundation (USP-F) Baby

Panthers  sa second half aron subhan ang ilang season

og impresibong   kadaugan, 78-59 sa 14th Cebu

Schools Athletic Foundation, Inc. (CESAFI) kagabii diha sa

Cebu Coliseum.

    Sikit pa unta ang iskor atol sa halftime

dihang igo lang naglabaw og siyete puntos ang Magis Eagles,

33-26, apan dali kaayo silang nakahimo’g adjustment

pagsugod sa third period aron molabaw sila’g 16 puntos,

52-36.

    Balanse nga opensa ang gigmait sa Magis Eagles

sa fourth period diin kanunay silang naglabaw og 20 puntos,

ang katapusang didto sa nahabiling uno minuto sa duwa, 78-58.

    Silang Joshua Sinclair ug Felixberto

‘Janjan’ Jaboneta nga parehong daku’g natabang sa

ilawom, maoy nangu sa Magis Eagles sa ilang 16 ug 15 puntos

matag usa, samtang si Zachary Lance Eden Huang, miamot og 16

puntos.

    Ang Baby Panthers, kinsa kanunay mosikit sa

kinatibuk-ang first half, gipangulohan ni Clyde Drexly

Avancena sa iyang 15 puntos, gisundan ni John Alocillo sa

iyang13 puntos Alin Obenza nga adunay 11 puntos.  (BANAT NEWS)