The Freeman@95.
Karong adlawa, Hulyo 18, among saulogon ang ika-95 nga anibersaryo sa pagkahimugso sa The Freeman, usa sa labing karaang pamantalaan sa Pilipinas nga natukod niadtong 1919.
Sa kadugayon sa The Freeman, daghan nga henerasyon ang nakapahimulos niini. Pagsugod nila sa The Freeman dalaga ug ulitawo pa. Dinhi na maminyo ang uban, nangapo na gani tingali karon. Dili maihap ang grasya nga gihatag kanato sa The Freeman ug daku kaayo kita’g utang kabubut-on sa mga tag-iya niini. Dili nato kini pasagdan ug dili nato biyaan.
Atong himuon idolo ang atong Publisher nga si Sir Juanito V. Jabat nga wala gyud mobiya bisan sa mga tentasyon kaniadto. Atong panaminan ang iyang mga birtud nga gipakita aron lang molanat ang The Freeman sa ingon niini ka dugayon. Dugay ra tingali unta kitang nagbuwag-buwag niadto pa untang dekada 80 kun wala pay Mr. Jabat nga misalbar niini.
Dili nato pasagdan ang The Freeman nga usa ka institusyon sa prensa dinhi sa Sugbu. Hinuon, ato kining mahalon pag-ayo tungod kay The Freeman.
Lisud tuohan nga usa ka community newspaper sama sa The Freeman ang molungtad og 95 ka tuig. Nakasugakod kini sa ikaduhang gubat sa kalibotan ug nakasugakod sab sa Martial Law niadtong September 21, 1972 ubos ni anhing presidente Ferdinand Edralin Marcos ubos sa gikahadlokan nga Republic Act 1081.
Nakatampo kita sa gidugayon sa The Freeman ug hangtod kita matiguwang, The Freeman lang gihapon ang atong ibandilyo.
- Latest
