Trillanes mangu sa Phl delegation

CEBU, Philippines -  Gitudlo ni Federation of School Sports Association of the Philippines (FESSAP) president David Ong si Senador Antonio Trillanes isip maoy mangu sa delegasyon sa Pilipinas alang sa ika-28 nga Summer Universiade didto sa Gwangju City, South Korea nga gikatakda sa Hulyo 3-14 sunod tuig.

Silang Ong uban ni FESSAP Chairman of the Board Alvin Tai Lian ug ang executive vice-president sa Federation of Filipino-Chinese Chamber of Commerce and Industries Incorporated nga si Angel Ngu nakigkita na kang Senador Trillanes kalabot niini didto sa iyang opisina sa Senate of the Philippines sa Pasay City.

Ilang gihisgotan ang pagpangandam sa atong nasud sa maong Universiade nga sanction sa International University Federation kon FISU.

Ang Pilipinas mosalmot sa mosunod nga events: athletics, badminton, basketball, golf, judo, shooting, swimming, table tennis, lawn tennis ug taekwondo.

Ang umaabot nga National Students Championships maoy magsilbing qualifying meet nga ipahigayon karong Oktubre ug Nobiyembre.

Ang Philippine Swimming League sa laing bahin mohimo sab sa ilang kaugalingon nga qualifying meet pinaagi sa ilang mga leg series. (BANAT NEWS)