CEBU, Philippines - Ang KN Ferraren D'Amigos ug ilang igsuong koponan Consolacion FC maoy nanghawod sa ilang tagsa-tagsa ka dibisyon sa Consolacion post-summer football tournament didto sa Sta. Lucia field.
Ang KN Ferraren D'Amigos mipukan sa Don Bosco Boys Homes-Liloan pinaagi sa penalty shootout aron masakmit ang titulo sa
men's open.
Apan ang nakapasayag sa adlaw ni konsehal Nilo Ferraren nga maoy nagpaluyo sa maong kalihukan, mao ang iyang anak nga
maoy nahimong bayani sa men's 18 class.
Si Keith Nifer Ferraren miposa sa iyang winning goal gikan sa assist ni Reynolds Retuya atol sa ilang final match batok sa San
Roque Football Club, 1-0.
Sa laing bahin, ang bisitang ERCO FC milangkat og tulo ka korona. Ilang gipilde ang San Roque FC sa ladies open ug men's 40-
above sa finals, dayon gipilde nila ang Author Solutions pinaagi sa penalty shootout, 1-0 aron maghari sa inter-company division. (BANAT NEWS)