Final tune-up race alang sa 2014 ASEAN Mountainbike Cup gikatakda sa Mayo 8

CEBU, Philippines -  Himuon karong Domingo ang final tune-up race alang sa 2014 ASEAN Mountainbike  Cup didto sa Manlayag-Patag sa dakbayan sa Danao.

 Naglakip kini sa downhill ug cross-country riders.

 Gilauman ang mga sakop sa nasudnong koponan nga mosalmot sa maong kalihukan.

 Walay kolektahon nga entry fee niadtong naka-pre-registered alang sa maong dakung kalihukan sa Hunyo 14-16.

 Ang mga tigpasiugda mohatag og libreng transportasyon gikan sa Danao's Boardwalk paingon ngadto sa binyu ug vice versa.

Niadtong dili makahimo sa final tune-up mahimong mag-ensayo didto sa racetrack.

 Basi sa ASEAN Mountainbike  Cup's website, ang official practice gitakda sa Hunyo 11-13. Ang aktuwal nga lumba sugdan sa

Hunyo 14 nga naglakip sa cross-country men and women's juniors, women's elite and open ug ang men's open.

 Sa petsa 15,  banatan ang cross-country men's master A and B ug ang men's elite division.

 Ang downhill event aduna kini seeding run sa Hunyo 14 ug ang final run sa Hunyo 15.

 Mga kategoriya nga tigian sa downhill naglakip sa men and women's juniors, men and women's open ug ang Master A ug B. (BANAT NEWS)