CEBU, Philippines - Giuswag ngadto sa Hunyo 15 ang Consolacion post-summer football tournament didto gihapon sa Sta. Lucia football field.
Kini ang gikompirmar ni event organizer ug Consolacion councilor Engr. Nilo Ferraren.
Ang torneyo gitakda niadtong Domingo. Gumikan niini, ang organizers andam gihapon nga modawat og mga entrante alang sa usa ka adlaw nga torneyo.
Ang seven-a-side tournament adunay lima ka kategoriya – boys' 18, men and ladies' open, men's inter-company ug ang men’s 40-above division.
Ang kampiyon sa matag dibisyon makadawat og ganting salapi ug tropeyo, samtang ang runners-up makadala og tropeyo matag usa. Alang sa dugang mga detalye ug sa rehistrasyon, mahimong mokontak ni Engr. Ferraren sa 0922-8899443. (BANAT PALARO)