Alaska kaging sa Meralco
CEBU, Philippines - Giputol sa Meralco Bolts ang ilang losing-streak human nila gipatapsingan ang Alaska Aces, 88-87, sa PBA Governors’ Cup kagahapon didto sa Smart Araneta Coliseum.
Ang Meralco nakakuha sa labing una nilang daog sud sa lima ka duwa ug daku og natabang niini mao ang pagbalik sa kalagsik ni Mike Cortez kinsa hingpit nang nakarekober sa injury.
“It’s been a trying conference for us,†matud pa ni Bolts coach Ryan Gregorio sa Spin.ph. “But we finally showed courage in adversity.â€
Si Cortez mirehistro og 19 puntos, lima ka assissts ug tulo ka rebounds sa maong kadaugan.
Nameligro unta nga mapilde ang Meralco human migukod ang Alaska sa final period, apan pakyas ang Aces pagsira sa duwa.
Ang Cebuano hotshot nga kasagaran maoy magsilbe nga clutch shooter sa Alaska wa damha nga mipasa sa daginutung segundos ngadto ni Bill Walker alang unta sa final winning play.
Si Mario West maoy leading scorer sa Meralco sa iyang 21 puntos, gisundan ni Cliff Hodge nga adunay 20 puntos.
Ang import nga si Walker mirehistro og 25 puntos, samtang sila si Calvin Abueva ug JV Casio mitampo og 17 ug 15 puntos. (BANAT NEWS)
- Latest
