CEBU, Philippines - Human sa iyang kapakyasan sa Palarong Pambansa, ang Sugbuanang taekwondo jin nga si Nina Garces namawi pinaagi sa pagdaog og bulawan sa PSC-POC Philippine National Games didto sa Ninoy Aquino Stadium sa Manila.
Si Garces, kinsa sakop sa national junior team mipakita og maayong labok sa tibuok duwa aron modaog og bulawan sa flyweight division.
Laing tulo ka pambato sa Cebu ni coach Michael Angelo Realista ug Frauline Joy Coran mihakot sab og mga medalya sa kyurogi discipline of taekwondo. Si Carmelo Coran midaog og silver pinaagi sa junior bantamweight, samtang usa sab ka silver ang nadaog ni James Callino ubos sa finweight division.
Sa iyang bahin, si Marie Hanz Therese Espina mihipos og bronze sa junior light-middleweight division. (BANAT NEWS)