CEBU, Philippines - Girapido sa Team Blazers ang Team Shunga, 49-30 aron mokulit sa ilang ikaduhang daog sa Women's Summer Basketball League niadtong Sabado didto sa Banilad Sports Complex, Mandaue City.
Ang statistician sa Cebu Schools Athletic Foundation Inc. (CESAFI) nga si policewoman Danica 'Nikki' Canitoy, maoy nangu sa Team Blazers nga mibuto og 16 puntos, gisundan ni Jusabelle Billo nga adunay 12 puntos.
Sa kasamtangan, ang Team Blazers nahimutang sa ikaduha sa team standings sa ilang 2-1 win-loss record, samtang ang Team Shunga adunay 0-2 nga baraha.
PUNTOS MATAG USA
Team Blazers (49) – Canitoy 16, Brillo 12, Bugz 6, Tabalin 4, Nacario 3, Cuadero 2, Bernales 2, Maderazo 2, Naron 2.
Team Shunga (30) – Bernabe 6, Mendoza 6, Melecio 5, Abaz 4, Yudig 4, Torres 2, Ouano 2, Go 1.