CEBU, Philippines - Miangkon ang amahan ug trainer ni Nonito Donaire Jr nga si Nonito Sr. nga usa ka marunong nga kontra si South African champion Simpiwe Vetyeka ug kini ang suwayan pagsulbad sa iyang anak sa sangka sa duha sa Mayo 31 didto sa Macau.
Ang kanhi four-division world champion nga si Donaire musuway pagsakmit sa WBA featherweight title ni Vetyeka.
Si Donaire Sr. nagkanayon nga lahi ang istilo ni Vetyeka sa ubang mga gikasangka sa iyang anak ug dili usab kini basta-basta kay dunay kusog.
“Itong si Vetyeka malakas at mautak, very slick,†matud pa ni Donaire Sr. sa ABS-CBN News. “Pagka-sinusugod, hihinto-aatras at biglang tatapon ng kanan.â€
Daku og salig si Donaire Sr. sa iyang anak, apan iya kining kanunay nga gipahimangnuan nga magmatngon sa mga atake sa South African champion.
Si Donaire kasamtangan nga nag-ensayo didto sa kaulohan nga mao nay katapusan sa iyang training camp sa dili pa sila mularga sa Macau sa katapusang semana karong buwana.
Ang 31-anyos nga Pinoy boxing star hinay-hinay na nga minaug paingun sa 126 lbs. weight-limit ug nagkahait usab ang kondisyon niini sa tabang sa American conditioning coach nga si Nick Curson kinsa mao usab ang nahimong trainer ni WBO light flyweight king Donnie Nietes. (BANAT PALARO)