CEBU, Philippines - Andam ang tanan alang sa 7th Mayor's Cup Run nga mosikad karong Domingo nga adto magsugod ug matapos sa Parkmall grounds sa dakbayan sa Mandaue.
Ang lumba hinugpong nga proyekto sa Mandaue City Sports Commission ubos sa liderato sa ilang executive director Engr. Ricardo 'Gaga' Mendoza ug Mandaue Runners Club (MRC).
Mga kategoriya nga kapiliang daganan sa mga partisipante mao ang 21K half-marathon, 15K open, 15K open (60-above), 7K open ug 7K inter-barangay. Ang inter-barangay category alang lamang niadtong runners nga nagpuyo sa Mandaue. Kinahanglan nga magdala ang runner og barangay clearance atol sa ilang pagparehistro.
Mahimong magparehistro sa Parkmall, Mandaue City Cultural and Sports Complex, Runnr Ayala-Cebu ug sa ARC Runner.
Ang registration fee nagkantidad og P500 sa 21K, P350 sa 15K ug P300 sa 7K.
Alang sa dugang mga impormasyon, mahimong mokontak ni MRC president Hector Cuizon (09238185312), MRC vice president Heide Flores (09237160782), MRC auditor Doris Nodalo (09235629616) ug MRC chairman Emok Branzuela (09279384924).
Gawas sa Parkmall, ang lumba gipaluyohan sab sa A. Runner Circle, Runway, Runnr Ayala-Cebu, Bardahl, RJC Trucking ug Glean Signage. (BANAT PALARO)