CEBU, Philippines - Agi'g pagtimaan sa ilang ika-12 anibersaryo, ang Cebu Home and Builders' Centre mopasiugda sa labing una nilang Builders' Run sa Hunyo 29 nga magsugod ug matapos didto sa Parkmall Piazza.
Isip kabahin sa ilang community outreach service, ang charity race gimugna alang sa ilang beneficiaries sa Gawad Kalinga Community Development Foundation.
"We are expecting to raise more than P240,000, enough to build additional decent houses for Gawad Kalinga Village in Kinugitan, Misamis Oriental," matud pa ni James Co, Chief Operating Officer sa Cebu Home and Builders' Centre, atol sa press conference kagahapon didto sa Chika-an sa Parkmall.
Kapin sa 1,000 runners ang gilauman nga mosalmot sa maong kalihukan.
"We also want to promote healthy lifestyle to our employees," dugang pa ni Co, kinsa mahiligon sab og lumba.
Ang mga kategoriya nga tigian mao ang 5K, 8K ug 16K. Aduna usab lahi nga kategoriya alang sa mga industry professionals nga naglakip sa mga engineers, architects ug contractors.
Dul-an sa P50,000 cash prize ug gift certificate ang giandam alang sa mga top finishers, samtang ang top 25 finishers sa 16K open makadawat og specially-designed finisher's medal.
Ang registration fee nagkantidad og P550 sa 16K, P400 sa 8K ug P300 sa 5K libre na ang singlet ug snacks.
Mahimong magparehistro sa Runnr sa Ayala Active Zone, Parkmall, A Runner's Circle sa Raintree Mall, The Brick Multi-Sport Store sa J Center Mall ug tanang sangang buhatan sa Cebu Home and Builders' Centre.