CEBU, Philippines - Ang Sugbuanang triathlete nga si Aaliyah Ricci Mataragnon mihatag sab og laing dungog sa nasud dihang nidaog siya og silver medal sa New Moon khcycle MetaSports series niadtong Domingo didto sa Singapore.
Si Mataragnon, kinsa midaog og bronze medal sa miaging tuig, mipakita sa iyang maayong performance sa 14-15 class batok sa laing 26 ka mga entrante.
Bisan dili pa siya siyento porsiyento nga andam, si Mataragnon nakalahutay gihapon sa maong lumba sud sa 41 minutos ug sayes segundos, sunod sa na kampiyon nga si Zoe Natasha Bowden sa Malaysia. Si Dayanee Kunaseelan mi-okupar sa ikatulong dapit. (BANAT NEWS)