Cebu teams napunta sa lig-on nga bracket sa Filoil

CEBU, Philippines - Nabutang sa lig-on nga bracket ang tulo ka  teams sa  Sugbu sa first round sa Filoil Flying V Hanes Premier Cup karong Abril 23 didto sa Filoil Flying V Arena sa San Juan City.
 Ang tulo ka koponan nga morepresentar sa Cebu  pangulohan sa defending CESAFI champion University of the Visayas (UV), Southwestern University (SWU) ug University of Cebu (UC).
 Ang tulo nag-usa sa Group A uban sa Colegio De San Juan De Letran sa NCAA, defending UAAP champion De La Salle University ug defending UAAP champion San Beda College.
 Kini maoy labing lig-on nga bracket sa torneyo tungod  kay duha ka kampiyon ang nag-uban sa usa ka grupo.
 Mas makapabor unta ang UV, UC ug SWU nga makalahutay sa sunod round kun napunta pa sila sa mas huyang nga Group B o C sa torneyo.
 Ang Group B gilangkuban sa Emilio Aguinaldo College, Far Eastern University, Lyceum University of the Philippines, Mapua Institute of Technology, RP Youth U18, St. Clare College ug University of Perpetual Help System Dalta.  Samtang ang Group C mao ang Centro Escolar University, College of St. Benilde, Holy Trinity College (General Santos), Jose Rizal University, National University, San Sebastian College Recoletos ug University of the Philippines. (BANAT NEWS)