CEBU, Philippines - Giayo paglubong sa Saymer ang Kons Felix aron masiguro ang ilang ikaduhang kadaugan, 73-46 sa nagpadayong duwa sa Buaya Senior Basketball Association (BSBA) basketball tournament niadtong Lunes didto sa Buaya Gym, dakbayan sa Lapu-Lapu.
Ang Saymer nga adunay 2-0 nga baraha gipangulohan ni Arnold de Asis, kinsa mikadlit og 30 puntos, samtang ang team owner niining si Christopher Sayson miabuno'g 12 puntos sa maong kadaugan.
Miarangkada dayon ang Saymer pagsugod sa duwa aron moposte'g nuybe puntos nga bentaha sa first quarter, 20-11 ug walay kaluyang mipupo'g mga puntos sa sunod nga mga kuwarter aron maangkon ang makabungog nga kadaugan.
Si Nanny Dequit mao lang ang bugtong player sa Kons Felix nga mirehistro'g double digits pinaagi sa iyang 10 puntos.
Ang Kons Felix nagbitbit karon og 1-1 nga baraha ning maong torneyo ubos sa pagdumala ni league organizer Billy Nadado.
Hugot usab kining gipaluyohan nilang Brgy. Capt. Lauro Soroño, Lapu-Lapu City councilor Don Harry Radaza ug Rolando Duero.
PUNTOS MATAG USA
SAYMER (73) - De Asis 30, Sayson 12, Pasaol 8, M. Inot 5, J. Inot 5, Matidios 4, Borja 3, Guido 2, Pejana 2.
KONS FELIX (46) - Dequit 10, Amhao 8, Ceniza 8, Matidios 6, Abrera 6, A. Cuizon 4, Inot 4. (BANAT NEWS)